पकेटमा रकेट : रेडमी ए५ नेपालमा सार्वजनिक, मूल्य कति ?
काठमाडौं । ग्लोबल टेक्नोलोजी लिडर शाओमीले नेपालमा रेडमी ए५ सार्वजनिक गरेको छ । रेडमी ए५ एक आकर्षक र अनुपम विशेषताहरू समेटिएको स्मार्टफोन हो । जसमा स्पष्ट फोटो, लामो ब्याट्री लाइफ, सहज संचालन र आकर्षक डिजाइन प्रदान गर्ने क्षमता रहेको छ । प्रयोगकर्ताहरूका दैनिक आवश्यकताहरू पूरा गर्न डिजाइन गरिएको, रेडमी ए५ ले स्मार्ट फोनको सम्पूर्ण अनुभव प्रदान गर्दछ ।
“खुसिको ग्यारेन्टी, २ वर्ष वारेन्टी” ट्यागलाइन सहित आएको यस रेडमी ए५ मा २ वर्षको वारेन्टी भएकोले निर्धक्कसँग लामो समयसम्म फोन प्रयोग गर्न सकिने कम्पनिले जनाएको छ । उच्च गुणस्तरको ३२ मेगापिक्सेल डुअल क्यामेरा सिस्टम, १२० हर्ज रिफ्रेस रेटका साथ ६.८८ इन्चको ठूलो डिस्प्ले, लामो समयसम्म चल्ने ५२०० एमएएच ब्याट्री र प्रयोगकर्ताहरूलाई पूर्ण स्मार्टफोनको अनुभव दिलाउन शक्तिशाली अक्टा–कोर प्रोसेसरलाई रेडमी ए५ ले संयोजन गरेको छ ।
नाइट फोटोग्राफी, आई कम्फर्ट डिस्प्ले, स्लीक डिजाइन, डायनामिक मेमोरी विस्तार र टिकाउ निर्माण जस्ता सुविधाहरू सहित, रेडमी ए५ लाई किफायती मूल्यमा उत्कृष्ट प्रदर्शन प्रदान गर्दै प्रयोगकर्ताहरूको दैनिक आवश्यकताहरू पूरा गर्न डिजाइन गरिएको हो ।
शाओमी नेपालका कन्ट्री जेनेरल म्यानेजर मनु मनस्वीले नेपालमा रेडमी ए५ प्रस्तुत गर्न पाउँदा खुशी लागेको बताइन् । यो स्मार्टफोन सबैको पहुँचयोग्य मूल्यमा स्टाइलिश डिजाइन, सहज कार्यसम्पादन र भरपर्दो फोटोग्राफी सुविधाहरूसहित आएको उनको दाबी छ ।
एआई डुअल क्यामेरासँग स्पष्ट फोटोहरू
शक्तिशाली ३२ मेगापिक्सेल एआई डुअल रियर क्यामेरा सहित, रेडमी ए५ ले सजिलैसँग स्पष्ट र विस्तृत फोटोहरू खिच्छ । पोट्र्रेट वा ल्यान्डस्केप, जस्तो फोटो भएनी, यसको स्मार्ट क्यामरा प्रणालीले प्रत्येक शटलाई उत्कृष्ट बनाउँछ। साथै यसमा भएको नयाँ स्टाइलिश क्यामरा वाटरमार्कले फोटोहरु अझै आकर्षक बनाउँछ ।
चम्किने फ्रन्ट क्यामेरा
सेल्फी प्रेमीहरूका लागि, ८ मेगापिक्सेल फ्रन्ट क्यामेराले सधैं पर्फेक्ट शट दिन्छ । चाहे भिडियो कल वा सेल्फ–पोट्र्रेट, यसमा समावेश भएको फिल लाइटले अँध्यारो वातावरणमा समेत अनुहारलाई उज्यालो देखाई हरेक शटको गुणस्तर उत्कृष्ट रहन्छ ।
इमर्सिभ डिस्प्ले अनुभव
६.८८ इन्च उच्च रिफ्रेश रेट डिस्प्ले, १२० हर्ज अडाप्टिभ सिंक रिफ्रेश रेट र २४० हर्ज टच स्याम्पलिङ रेट र ठूलो स्क्रिन भएकोले पढ्न वा भिडियो हेर्नको लागि यो स्मार्टफोन धेरै उपयुक्त छ ।
स्टाइलिश र आकर्षक डिजाइन
यसको फ्ल्याट फ्रेम र उन्नत क्यामेरा डिजाइनका साथ, रेडमी ए५ ले फ्रेस र आधुनिक लुक प्रदान गर्दछ। ८.२६ मी मी पातलो र १९३ ग्राम हलुका भएकोले यो प्रयोग गर्न धेरै सजिलो छ, र यो फोन ओसन ब्लू, स्यान्डी गोल्ड, र मिडनाइट ब्ल्याक – चार सुन्दर रंगहरूमा उपलब्ध छ ।
लामो प्रयोगका लागि शक्तिशाली ब्याट्री
रेडमी ए५ को ५२०० एमएएच ब्याट्रीले १.४५ दिनसम्मको प्रयोग र एकल चार्जमा २०.७ घण्टासम्म भिडियो प्लेब्याक वा १४.२४ घण्टासम्म स्क्रिन टाइम दिन्छ । साथै १५ वाट फास्ट चार्जिङले तपाईं छिटो फोन प्रयोग गर्न सक्नुहुन्छ।
अक्टा–कोर पावरसँग सहज प्रदर्शन
यसमा युनिसोक टी७२५० ओक्टा–कोर प्रोसेसर भएकोले कम बिजुली खर्च हुन्छ र यसमा ८ जीबी सम्मको ¥याम बढाउन सकिन्छ, जसले गर्दा एपहरू र खेलहरू सजिलै चल्छन्। रेडमी ए५ को स्कोर एन्टुटु बेन्चमार्कमा २६०,००० भन्दा बढी छ, जसले दैनिक कार्यहरूका लागि यसको उत्कृष्ट प्रदर्शनलाई पुष्टि गर्दछ ।
टिकाउ र विश्वसनीय
शाओमीको उच्च मापदण्डहरूमा निर्मित, रेडमी ए ५ले परीक्षणहरू पास गरेको छ जसमा ३०० रोलर परीक्षण, १०,००० युयसबी परीक्षण, र ५,००० हेडफोन ज्याक परीक्षणहरू समावेश छन् र यसमा हलुका र छिटो अनुभवका लागि एन्ड्रोइड १५ (गो ईडिसन) मा पनि चल्छ ।
मूल्य र उपलब्धता
रेडमी ए ५ ओसन ब्लू,स्यान्डी गोल्ड र मिडनाइट ब्ल्याक रंगहरूमा ३+६४ जिबी र ४+१२८ जिबी स्टोरेजमा उपलब्ध छ। रेडमी ए ५ को मूल्य ३+६४ जिबी र ४+१२८ जिबी स्टोरेजका लागि क्रमशः रु.१० हजार ९९९ र ११ हजार ९९९ छ । रेडमी ए ५ सम्पूर्ण आधिकारिक मी स्टोरहरू र देशभरका शाओमी रिटेलरहरूमा उपलब्ध हुनेछ ।
