एनएमबि बैंकको नाफा बढ्दा अन्य सूचक कस्ता छन् ?
काठमाडौं । एनएमबि बैंकले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ । चालु आर्थीक वर्षको तेस्रो त्रैमाससम्म बैंकको नाफा सामान्य बढेको छ।
यो अवधिसम्म बैंकले २ अर्ब ३७ करोड खुद नाफा कमाएको छ । यो अघिल्लो आर्थीक वर्षको तुलनामा ५.८८ प्रतिशतले बढी हो । आघिल्लो आर्थिक वर्षको सोही अवधिसम्म बैंकले २ अर्ब २४ करोड रुपैयाँ नाफा कमाएको थियो ।
यसअवधिमा बैंकको खुद ब्याज आम्दानी १९.१६ प्रतिशतले बढेर ६ अर्ब ४९ करोड २ लाख रुपैयाँ पुगेको छ । गत आर्थिक वर्षको सोही अवधिसम्म बैंकको यस्तो आम्दानी ५ अर्ब ४४ करोड ६६ लाख रुपैयाँ रहेको थियो ।
बैंकको सञ्चालन आम्दानी १०.६६ प्रतिशतले बढेर ७ अर्ब ३५ करोड ७० लाख रुपैयाँ पुगेको छ । बैंकको वितरणयोग्य मुनाफा १ अर्ब ३१ करोड रुपैयाँ रहेको छ । बैंकको खराब कर्जा भने बढेको छ । खराब कर्जा २.८६ प्रतिशतबाट ४.४७ प्रतिशत पुगेको छ ।
नाफासँगै बैंकको प्रतिसेयर आम्दानी पनि सामान्य बढेको छ । समीक्षा अवधिमा बैंकको प्रतिसेयर आम्दानी ९६ पैसाले बढेर १७ रुपैयाँ २३ पैसा पुगेको छ । बैंकको प्रतिसेयर नेटवर्थ १७१ रुपैयाँ ८८ पैसा छ ।
१८ अर्ब ३६ करोड ६७ लाख रुपैयाँ चुक्ता पुँजी रहेको यस बैंकको जगेडा कोषमा ११ अर्ब ८९ करोड रुपैयाँ सञ्चित छ । यो अवधिसम्म बैंकले २ खर्ब ६९ अर्ब ९ करोड ४६ लाख रुपैयाँ निक्षेप संकलन गरेर २ खर्ब २५ अर्ब ६३ करोड रुपैयाँ कर्जा परिचालन गरेको छ ।
