एक दिनकाे करेक्सनपछि पुनः लयमा फर्कियाे सेयर बजार
काठमाडाैं । मंगलबार दाेहाेराे अंकले घटेकाे नेपाल स्टक एक्सचेञ्ज नेप्सेमा बुधबार सुधार आएको छ। आज सेयर बजार मापक नेप्से परिसूचक २३.८६ अंकले बढेर २७ सय विन्दुमा पुगेर बन्द भएकाे छ ।
आज उत्पादन र प्रशोधन तथा निर्जीवन बीमाबाहेक सबै उपसूचाङ्कहरु बढेका छन् । यसदिन व्यापार समुह सर्वाधिक ९.४९ प्रतिशत बढेको छ भने वित्त समुह ३.२६ प्रतिशत बढेको छ ।
आज कुल १६६ वटा कम्पनीको सेयर मूल्य बढेकाे छ भने ७८ कम्पनीको सेयर मूल्यमा गिरावट आएको छ ।
बजार बढे पनि आज कारोबार रकममा भने गिरावट आएको छ । आज १ कराेड ४ लाख ४२ हजार ६८३ कित्ता सेयर किनबेच हुँदा ५ अर्ब ४४ करोड ४४ लाख ३५ हजार रुपैयाँ बराबरको सेयर खरिदबिक्री भएको छ। हिजाे ५ अर्ब ७९ करोड ७७ करोड ९१ लाख रुपैयाँ बराबरको सेयर खरिदबिक्री भएको थियाे ।
यस्तै आज विशाल बजार कम्पनी र सेन्ट्रल फाइनान्सकाे सेयर मूल्यमा सकारात्मक सर्किट लागेकाे छ भने बाेटल्स नेपाल बालाजुकाे सेयर मूल्य १० प्रतिशत घटेकाे छ ।
