विश्व धनाढ्यहरुको रोलक्रम : शीर्ष सूचीमा क–कसको ‘इन–आउट’ ? कोसँग कति छ सम्पत्ति ?

एजेन्सी । फोब्स पत्रिकाको विश्वका सबैभन्दा धनी व्यक्तिहरूको वार्षिक सूची अनुसार विश्वका खर्बपतिहरू सम्पत्ति २ ट्रिलियन डलर बढेको छ।

विश्वका अर्बपतिहरूको ३९ औं वार्षिक फोब्र्स सूचीले १६.१ ट्रिलियन डलर कुल सम्पत्ति भएका ३,०२८ अर्बपतिहरू फेला पारेको छ। जुन फोब्सको अहिलेसम्मकै धेरै खर्बपति भएको रेकर्ड हो । गत वर्ष यी खर्बपतिहरुको कुल सम्पत्ति १४.२ ट्रिलियन डलर रहेको थियो ।

उक्त प्रतिवेदन अनुसार हालसम्म अमेरिकामा ९०२ जना खर्बपतिहरू छन् भने चीन र हङकङमा ५१६ जना, भारतमा २०५ जना खर्बपतिहरु छन् । फोब्सको सुचीमा परेका १० खर्बपति मध्ये ८ जना अमेरिकी नागरिक रहेका छन् भने १ जना स्पेन र एक जना फ्रान्सका नागरिक रहेका छन् । फोब्र्सले १९८७ देखि विश्वभर अर्बपतिहरूको खोजी गरिरहेको छ।

२०२५ का शीर्ष १० खर्बपतिहरूः कसको सम्पत्ति कति ?

फोब्सले प्रकाशन गरेको खर्बपतिहरुको सूचीको पहिलो स्थानमा ५३ वर्षिय एलन मस्क रहेका छन् । गत वर्ष यस सूचीको दोस्रो स्थानमा रहेका अमेरिकी नागरिक यस वर्ष एक स्थान माथि चढ्न सफल भएका हुन् । मस्क टेस्ला र एक्सका को फाउन्डर हुन् । जनवरी १५ सम्ममा टेस्लाको असाधारण प्रदर्शनका कारण एलोन मस्कको कुल सम्पत्तिमा वार्षिक रूपमा ७५ प्रतिशतले बढेर ३४२ बिलियन डलर पुगेको छ । यस अवधिमा टेस्लाको असाधारण प्रदर्शनका कारण स्टकमा वृद्धि भएको छ भने एआई–संचालित स्वायत्त ड्राइभिङ प्रविधि र सौर्य प्यानल र ब्याट्री भण्डारण जस्ता ऊर्जा समाधानहरूमा टेस्लाको प्रगतिले पनि यसको राजस्व प्रवाहमा योगदान पु¥याएको बताइउको छ ।

४० वर्षिय अमेरिकी नागरिक मार्क जुगरवर्ग यस वर्ष २ स्थान माथि उक्लिदै फोब्सको दोस्रो स्थानमा पर्ने सफल भएका छन् । गत वर्ष जुकरवर्ग यस सूचीको चौथो स्थानमा थिए । यस वर्ष उनको सम्पती २२ प्रतिशतले बढेर २१६ बिलियन डलर पुगेको छ । सन् २०२४ मा जुकरवर्गको कुल नेटवर्थ १७७ बिलियन डलर रहेको थियो ।

यस्तै यस सूचीको तेस्रो स्थानमा सन् १९९४ मा आफ्नो सियाटल ग्यारेजबाट ई–कमर्स जायन्ट अमेजन स्थापना गरेका जेफ बेजोस रहेका छन् । एक वर्षका बेजोसको नेटवर्थ २१ बिलियन डलरले बढेर २१५ बिलियन डलर पुगेको छ ।सन् २०२४ मा कुल बेजोसको नेटवर्थ १९४ बिलियन अमेरिकी डलर रहेको थियो भने उनी फोब्सको तेस्रो स्थानमा नै थिए ।

यस्तै यस सूचीको चौथो स्थानमा टेक जायन्टका अध्यक्ष तथा सह संस्थापक ल्यारी एलिसन रहेका छन् । ल्यारी गत वर्ष कुल नेटवर्थ १४१ बिलियन अमेरिकी डलरसहित पाचौँ स्थानमा थिए । यस वर्ष उनी एक एथान माथि चढ्न सफल भएका छन् । एक वर्षको अवधिमा उनको कुल सम्पति ५१ बिलियन डलरले बढेर १९२ बिलियन अमेरिकी डलर पुगेको छ ।

यस सूचीको पाँचौं स्थानमा फ्रान्सका ७६ वर्षिय बर्नार्ड अर्नाल्ट रहेका छन् । गत वर्ष सूचीको पहिलो नम्बरमा रहेका अर्नाल्ट यस वर्ष चार स्थान तल झरेका हुन् । अर्नाल्ट लुइस भिटन र टिफनी एण्ड कम्पनी जस्ता ब्रान्डहरू बोकेको, विलासिताका सामानहरूको समूह,एलभिएमएचका संस्थापक र सीईओ हुन् । हाल यीनको कुल नेटवर्थ १७८ बिलियन अमेरिकी डलर रहेकोछ । गत वर्ष भन्दा ५५ बिलियन अमेरिकी डलर सम्पती घट्दा पनि अर्नाल्ट यस सूचकिो शिर्ष ५ स्थानमा रहेका छन् ।

यस्तै यस सूचीको छैठौं स्थानमा संयुक्त राज्य अमेरिकाका सफल लगानीकर्ता वारेन बफेट रहेका छन् । यस वर्ष यीनको कुल नेटवर्थ २१ बिलियन डलरले बढेर १५४ बिलियन अमेरिकी डलर पुगेको छ । सन् २०२४ मा बफेटको नेटवर्थ १३३ बिलियन अमेरिकी डलर रहेको थियो।

फोब्सको सातौँ स्थानमा गुगलका सह–संस्थापक र यसको मूल कम्पनी, अल्फाबेटका पूर्व सीईओ ल्यारी पेज रहेका छन् । ल्यारी गत वर्ष यस सूचीको १० औं स्थानमा थिए भने यीनको कुल नेटवर्थ ११४ बिलियन अमेरिकी डलर रहेको थियो । यस वर्ष ल्यारीको सम्पती ३० बिलियन अमेरिकी डलरले वृद्धि भएर १४४ बिलियन अमेरिकी डलर पुगेको छ ।

यस सूचकिो आठौं स्थानमा गुगलका सह–संस्थापक र अल्फाबेटका पूर्व अध्यक्ष सर्गेई ब्रिन रहेका छन् । ब्रिन गत वर्ष पनि यहि स्थानमा थिए । एक वर्षमा उनको सम्पती २८ बिलियन अमेरिकी डलरले बढेर १३८ बिलियन अमेरिकी डलर पुगेको छ । गत वर्ष ब्रिनको कुल सम्पती ११० बिलियन अमेरिकी डलर रहेको थियो ।

यस्तै यस सूचकिो नवौं स्थानमा जारा र अन्य विभिन्न ब्रान्डहरू बेच्ने कपडा खुद्रा विक्रेता इन्डिटेक्सका संस्थापक अमानसियो ओर्टेगा र दशौं स्थानमा माइक्रोसफ्टका पूर्व सीईओ स्टिभ बाल्मर रहेका छन् । ८९ वर्षिय ओर्टेगा स्पेनका नागरिक हुन् । यस वर्ष ओर्टेगाको कुल नेटवर्थ २१ बिलियन अमेरिकी डलरले बढेर १२४ बिलियन अमेरिकी डलर पुगेको छ । भने वाल्मरको कुल नेटवर्थ ३ बिलियनले घटेर ११८ बिलियन अमेरिकी डलर पुगेको छ ।

यी हुन् शिर्ष १० को सूचीबाट बाहिरीएका २ खर्बपति

गत वर्ष शिर्ष १० भित्र रहेका बिल गेट्स र मुकेश अम्बानी भने यस वर्ष सूचबिाट बाहिरीएका छन् । बिल गेट्स यस सूचीको १३ औं स्थानमा पुगेका छन् भने भारतिय खर्बपति मुकेश अम्बानी १८ औं स्थानमा पुगेका छन् । गत वर्ष गेट्स सातौँ र अम्बानी नवौं स्थानमा थिए । यस वर्ष अम्बानीको सम्पती २३.५ बिलियन र गेट्सको सम्पती २० बिलियन डलरले घटेको छ ।

नेपालका एकमात्र खर्बपति विनोद चौधरी फोब्सका खर्बपतिहरुको सूचीमा १ हजार ७ सय ६३ औं स्थानमा छन्। गत वर्ष १.८ बिलियन डलर रहेको चौधरीको सम्पत्ति यस वर्ष ०.२ बिलियन डलरले बढेको छ ।